Web de Pamplona Convention Bureau

Baluarte, Nafarroako Biltzar Jauregia

Duela gutxi eraikia, Baluarte, Nafarroako Biltzar Jauregia eta Auditorioa, eraikin abangoardista da, eta Patxi Mangadok, arkitekto nafar ospetsuak, diseinatu zuen.

Biltzarrak eta topaketak egiteko gunea da Baluarte, erabilera askotarikoa eta funtzionala, Gainera, Nafarroako hiriburuko erdi-erdian dago.

Eraikinaren kanpoaldeak "L" itxura du. Eraikin itzela eta sendoa da, kuartzita grisez egina. Hala ere, kontrastea egiten du barneko esparru argitsuen aldean, eta, aldi berean, plaza ederra mugatzen du.

Solairu nagusiak Auditorioa hartzen du. Gehienez, 1600 biltzarkide biltzen ahal dira han. Ganbera Aretoak, berriz, 450 ordezkari hartzen ahal ditu gehienez.

Gainera, beste areto batzuk ditu, biltzarrak egiteko propio eraikiak, eta, era berean, 5.000 m2-ko esparru garbia du, erakusketak egiteko eta zure bilerak eskatzen ahal dituen erabilpen guztiak gauzatzeko.

Biltzarkidea harrituko da han, bilera-gelek Ziudadela parkearen bista ederrak eskaintzen dituztelako.

Kokalekua: Plaza del Baluarte, s/n 31002 PAMPLONA

Tel. 948 06 60 66